هام … من عائلة المرحومة سوار قبلاوي التي قتلت على يد شقيقها في تركيا !! – نابلس الاخباري Nablus News
M5znUpload

هام … من عائلة المرحومة سوار قبلاوي التي قتلت على يد شقيقها في تركيا !!

موقع نابلس الاخباري – اخبار فلسطينية – متابعات

هذا نص الرسالة كما وردنا:-
الله بشهد اني حاولت كثير اتجاهل تعليقات الناس وحكيهم بس كمية الحقد اللي تلقتها العيلة في هذا اليوم بتوقعش في عيلة ثانية بهذا العالم ممكن تتحمله وهي ساكتة!
سكتنا كثير! اعتديتوا على خُلقنا وعلى ‘شرفنا’ (اللي بالمناسبة ما اله اي دخل بالجريمة اللي صارت)، تهجمتوا كثير، ألفتوا قصص بس الله بعلم كميتها وتنوعها، حللتوا وافتيتوا ونشرتوا استنتاجات عملت الجريمة جريمتين!

سوار – الله يرحمها ويعفو عنها ويغفرلها ويدخلها فسيح جناته- كانت ضحية شخص غير متزن نفسيا!

سوار مش ضحية شخص ‘بده يحافظ على شرف العيلة’ ولا شخص شايف الأنثى أقل بدرجة الاشي لا دخله بشرف ولا دخله بنسويّة.
سوار بريئة.

من احد اسباب انه الشخص ميكنش اله قيمة انه يحكي باشي ملوش علم فيه..
احترمنا كثير واستوعبنا حكي الناس، وبس الله بعلم بالقلوب المحروقة اللي جوا افراد العيلة، أمثال هاي الناس قاعدين بزيدوا فيها!
لا قول لدينا الا سامحكم الله على ما اقترفته قلوبكم باتهامات ملقاة على أَمةٍ بين يدي ربّها الآن! فوالله كلامكم لا تحتمله الجبال!

اللهم اعفُ عن سوار فهي بين يديك الآن وارحمها واربط على قلب امها وصبّر قلوبنا.
والسلام على من عرف الحق فاتّبعه!

مقالات ذات صلة